Transcription
1
Monsieur, je vous ay bien vollu advertir comme lhomme de
2
lauditeur Faure vint hier de Mens où il est prisonier, lequel
3
ma asseuré que les Diguières, Champoleon, et Bastien partirent
4
dimenche aprez disner dudit Mens pour aller treuver Montbrun
5
et Ferrier a passé du costé d’Aspres avecq sept ou huict centz
6
hommes. Il y a beaucoup darpailhe parce quon contrainct
7
chacun de prendre lez armes. Colombin est au tour de Mens,
8
lequel dresse encor une compagnye de gens de pied. Le cappitaine
9
La Grange, qui est au château de La Mure men escript aultant.
10
Arsoir, comme ledit La Grange feust dans ledit château de La Mure
11
suyvant votre volunté, en la presence de messieurs du pays, où
12
estoient troys des conseilliers de la cour, je fis ung estat
13
pour ledit cappitaine, son enseigne, et aultres ses soldatz, comme
14
verrez par une coppie dicelluy que je vous envoye. Et parce
15
que messieurs les comis des estatz ont faict ung reiglement
16
par lequel ilz avoient donné certaines aides aussi de La Mure
17
pour contribuer audit chateau et iceulx cotizés à cinquante soulz le chacun, quest seullement pour paier lesdits soldatz, tellement que reste
18
quinze soldatz qui sont dans la maison de monsieur de
19
Monestier ausquelz ilz [rature] n’ont vollu faire aulcung estat sans
20
premier scavoyr votre vollenté, parquoy vous en ferés comme il
21
vous plaira. Comme jentendray quelque chose de nouveau,
22
je ne faudray vous que tenir advertir ; et en cest endroict je
23
me recomanderay humblement à votre bonne grace et prie Dieu vous donner,
24
monsieur, en parfaicte santé, heureuse vie et longue. De Grenoble, ce XVIIe mars 1574
25
Votre très humble et aubeyssan serviteur
26
La Thivollière
27
La presente a esté ranvoyé de
28
Moyrenc en ceste ville
29
comme vous dira ce porteur